عندما كنت ابيت فى غرفة ابي فى ليالى الشتاء فاسمع الراديو الذى يحكي ويقول الكثير بجانبه حتى يقرر ان ينام فيغلقه
اول مرة اعرف قصة هاملت كانت من اذاعة البرنامج الثقافى بنفس الطريقة لم انم حتى اغلق يومها ابي الرديو لان المسرحية انتهت
يوم الخميس اليوم الوحيد الذى كان يسمح لي فيه ان ااخذ الراديو الكبير لاضعه بجانبي واسهر مع اخوتى ونحن نستمع له
كل يوم من المغرب للعشاء وانا ارتب منزلنا البسيط بعد ان انتهى من مذاكرتى وقبل ان يعود كل من ابي وأمى من العمل
استمع لاذاعة الشرق الاوسط
صوت الشيخ محمد رفعت فى صلاة العشاء
صوت محمد عبد الوهاب يشدو بعد اذاعة نبأ وفاته
اول اخبار اذيعة عن زلزال 92 واتصال امى بي من العمل لتسأنى ماذا تقول الاذاعة المصرية عن الى بيحصل فى مصر وتأتى الاجابة منى
هزة بسيطة نتج عنها تصدع بعض المنازل القديمة فى حى زنهم والسيدة زينب
:)
اذاعة لندن ومذاكرة الكمياء فى الثانوية العامة على برامج التحليل السياسي هناك
اذاعة منتيكارلو وانا فى المستشفى اثناء مرضي
الفيلسوف وكلماته وموضوعاته المنوعة التى تثير داخلى احساس شديد بالمتعة
اذاعة لندن فجر يوم حريق القطار وخبر سريع فى الساعة السادسة صباح يوم امتحان مادة تاريخ الفن فى تالته كلية خبر يقول
حريق فى احدى عربات قطار مصري كان متجه الى الصعيد اليوم فى حوالى الساعة الواحدة وذكر ان عدد الاصابات لا يزيد عن 20 مصاب
المحاولات المحمومه لى مع زميلاتى فى غرفة المدينة الجامعية لنصل لاى اذاعة فيها اغنية لعبد الحليم او ام كلثوم لنبدأ سهرت المذاكرة اليومية
كلمات ابي فى اثناء ساعاته الاخيرة
افتحوا الرديو اخبار 10 بتاعت لندن
الرديوا كان صديق اختاره لى ابي واقتنعت به واحببته ومازال يؤنسنى فى ايام غربتى انا وزميلاتى هناك حيث اعمل
بوست كان فى الاساس تعليق
24 comments:
فريدة
مش عارفه ليه قشعرت
بالرغم من اني قريت كلامك قبل كده
بس عند ذكر اذاعة لندن
افتكرت ايام الثانويه العامه و انا بجهز الساندوتشات الصبح و بسمع نور الدين زوردي بيقول العالم هذا الصباح
تحياتي
يااااااااااااااااااه
فكرتني بالذي مضى
أنا شخصيا تشكل الإذاعة جزءا مهما وجداني لدرحة أن برامجها اكتسبت لدي رائحة مميزة
يعني مثلا صوت الشيخ رفعت له رائحة الشاي بلبن في الصباح بينما صوت أبلة فضيلة يحمل رائحة الفول المدمس
دعك بقى من صفية المهندس دي بقى ليها ريحة ستو خالص
بل وملمس إيدها المبللة دائما من أثر غسيل المواعين كمان
أكثر مايؤلمني هو أن أتخيل مصير هذه البرامج الرائعة بعد رحيل أصحابها
متشائم شوية ،مش كده؟
يمكن لو فضلت اتكلم عن الراديو في حياتي مش هخلص كلام
بس اللي اقدر اضيفه دلوقت هو إيه سر جمال الراديو. يمكن إنه حالة لوحده غير التليفزيون والكتاب مش بيطلب منك إنك تبصي فيه والأحسن تطفي النور. يقدر يقدم حاجة ممتعة زي مسرحية أو غيره بس بيسيب خيالك يكمل الباقي. ويقدر يقدم معلومات محددة وتدخل دماغك بسرعة عشان مركزة معاه
مفيش فترات بعينها كانت الإذاعة لها صحبة قوية تميزها معي إلا في الفترة التي مارست فيها هواية الرسم بكثافة وكانت في ثانوي . يعني في التلات سنين . وكانت تقريبا كلها هنا لندن هيئة الإذاعة البريطانية .. بصوتهم اللي عامل زي خشب الصندل دا .. كنت بحس أن الانجليز الكلاسيك في مبانيهم وباصاتهم وعائلتهم الملكية بينقوا الأصوات بتاعة الإذاعة بعناية شديدة .. وكان عندي احساس ان الاذاعة دي زي البيوت الانجليزية القديمة .
السياسة بين السائل والمجيب .
قول على قول
من الادب العالمي .
علشان كدة بكره بي بي سي اكسترا قوي .. بحسه دخيل .
أما بقى اذاعتنا فكنت مسائي الهوى فيها . من أول موسيقى لا انت حبيبي بتاعة فيروز التي يبدأ بها برنامج فاروق شوشة لغتنا الجميلة حتى يسرقني النوم .
شاهد على العصر بتاع عمر بطيشة وأكتر حلقة حبيتها بتاعة حسن فتحي . غواص في بحر النغم قبل ما سعملها سهرة شريعي .. تسجيلات من زمن فات . وزيارة لمكتبة فلان وكتاب عربي علم العالم
الصبح بقى عيلة مرزوق .. يا ترى انت فين يا مرزوق . في العتبة ولا في باب اللوق .
اتفضلي خروب بقى
كل سنة وانتى طيبة
يااااااااا فريدة
ورمضان كريم
بجد لما قابلت طه
قالى عنط كلام جميل اوى
وكمان انك معيدة كلية الفنون الجميلة
كريم بهي
رمضان كريم
ربنا يكرمك يا حبيبتى
حقيقي بحبك جدا فى الله يا ست البنات
ربنا يكرمك
كل مرة بتنورى فيها المدونة بتضيفى احساس وحاجااااااااااات كثير
بحبك
وجزاك الله عنى كل خير
:)
ربنا يعزك يا محمد
حقيقي انت واحد ليه معزة خاصة عندى بحب وجودك وبفرح بيه والله
ربنا يعزك حقيقي وجميل كلامك واحساسك بالحاجات
وياااااااارب اشوفك يوم الافطار الجماعى يا استاذنا
تحيات كلها ود واحترام لك يا انسان طيب صاحب عقل متزن سعيدة به
الله عليك
حقيقي من اجمل واهم الحاجات الى بيعطيها لينا الراديو هو حرية التخيل
فكرة لما سمعت هاملت كملة انى حتى اليوم كل ما شوف فيل او مسرحية لقصة هامل انتظر بعدها الاقوى فى كل مرة الاقى فى العمل الى قدامى جزء او جزءين شبه تخيلى للقصة والى نتج عن اول مرة اسمعها فيها عن طريق الراديو
وقول ماكد فيه اجمل
ليه؟
لان خيالك هو الى رسم ملامح القصة وبالتالى جسدها بشكل خاص هتلمح منه اجزاء كل مرة
فتفضل متأكد كل مرة ان فى الاقوى والاجمل
تحياااااااااتى يا عم باسم
محمد العدوى
ياااااااااسلام
منور يا عم الراجل الطيب بكل ما تضيفه من احساس وحياة
ربنا يكرمك يا راجل يا طيب
تحياتى يا عم الدكتور
:)
وانت طيب وبكول خير ورضى من الله يا كريم
وطه ده بنى ادم ذوق قوى ربنا يعزه
ويجعلنى عند حسن ظنه
هو احنا وفنون جميلة ولاد عم
اختك فريدة معيد بكلية الفنون التطبيقية يا فندم
تحياتى المملوئة بالامتنان لك يا ذوق
والله اكرم يا استاذنا
علاقتى بالراديو مش قويه
آخرى نجوم اف ام
بس سردك للذكريات شدنى فعلا
حلو قوى انك تلاقى حاجه مشتركه فى ذكريات مختلفه
مش عاوز اشرح كتير فى الموضوع دة
بس أنا فى مقاطعتى للتلفزيون أعود مأسور الى ألف ليلة و ليلة
لطاهر ابو فاشا
حقيقي سعيدة بزيرتك الجميلة دى يا مريم
سمعت عنك كثير لدرجة انى حبيتك من قبل ما ازور مدونتك
وبعد ما زرتها حبيتك واحترمتك اكتر
:)
ربنا يكرمك
وحقيقي شكرا لذوقك يا جميلة
ولييييييييييه مش تشرح يا عم طه؟
انت مش عارف انك بتنور المدونة كل مرة وحقيقي انت ذوق قوى ومش هعرف اشكرك
:)
ربنا يكرمك
افطار المغامير قرب
ان شاء الله الاسبوع ده ولازم ابلغك قبله ان شاء الله بتفاصيله انت وعم نوح
تحياتى الى ان القاك ان شاء الله
هو عموما وبأذن الله يوم الخميس القادم لو ما اتغيرش
وهأكد عليك برضو
تحياتى مرة تانيه
الراديو
حالة تانية خالص
بفتكره زمان وانا صغيرة انه كان عطر الوطن
اكيد وانا صغيرة ما كنتش عارفة انه عطر الوطن
بس دايما رابطة الحنين بالراديو
عشان كدا بيرافقني كتير لما ابقى سهرانة بالليل
الراديو صديق بيمنحك المساحة انك تعيشي حياة موازية
وتتمتعي باحاسيسك دون ان يتطفل عليها او يعكرها
كتير بحس ان تعليقاتي عن مواضيع بتلمسني بخليها تبقى عادية او مش بتقولها زي ما انا حاسها
وانا حاسة بكد دلوقتي
على العموم متشكرة يافنانة ع البوست دا
فريده شكرا جدا ليكى
كلامك ده كتير عليا قوى
انتى اديتينى اكتر من حقى
لكن اعتقد ان حظى حلو انى اتعرفت عليكى و على مدونتك الجميله
بجد كلك زوق
انا الى متشرة يا شت هدى
حقيقي كل مرة متلمسي بكلامك حاجة حلوة جوى
عشتى وعاش احساسك بالحاجات
يا ست البنات
:)
والله مش مجملة
انا بحلف
انت بنت جميلة ومهمومة بحاجات كثير
ربنا يعزك ويكرمك حقيقي
وحقيقي مرورك بيفرحنى
حقيقي انى اءنس بكى
ربنا يكرمك
وكل سنه وانت طيبة وبكل خير يا جميلة
فعلا ذكريات جميلة قوي وخالتيني افتكر زمااان وانا صغير وولداتي كانت بتصحيني على غنوة مميزة قوي الصبح كان فيها كده قلم واستيكه بجد مش فاكرها بالظبط بس على الرغم من أني كنت بزعل من الغنوة عشان رايح المدرسة بس دلوقتي لما افتكرتها انبسط.
تحياتي
بوست جميل مليان ذكرايات الجميله و الوحشة و بيبين ازاي الاخبار بتكون كاذبة او غير حقيقية في الاول
بس مش الزلزال كان سنة 1992
Yahia
جميل
:)
ربنا يكرمك وكل سنة وانت طيب
وحقيقي شكرا على المرور
Mohamed_sobhy84
اولا اشكرك على المرورك
واه انا معاك مليان ذكريات بس بحلوها ومرها بتعلم جوانا علامات بتقول ان احنا عشناها
وعندك حق كان 92
تحياتى اسعدنى المرور حقا
Post a Comment